Námskeið

Námskeiðið Færni

Námskeiðið hefur verið í boði frá árinu 2008 og er það hugarfóstur Snævars Ívarssonar, framkvæmdastjóra Félags lesblindra á Íslandi. Alls hafa verið haldin yfir 60 námskeið síðan þá sem rúmlega 300 manns hafa sótt þau. Námskeiðið hefur verið haldið út um allt land.

Í boði eru tvær útfærslur af námskeiðinu. Annars vegar er um að ræða fimmtán tíma námskeið sem haldið er yfir þrjá daga og hins vegar örnámskeið sem tekur eina kvöldstund. 

Námskeiðið miðar að því að kynna og kenna á þau rafrænu verkfæri sem geta nýst lesblindum og

öðrum sem hafa áhuga á að auka færni  sína á að nýta slík verkfæri til að auðvelda lestur og skrift. Námskeiðið  er sérlega hagnýtt og nýtist jafnt í starfi sem heima. Þátttakendur kynnist þeim rafrænu verkfærum sem í boði eru og öðlist öryggi og færni í notkun þeirra (hugbúnaður og tæki). Námskeiðið hentar þeim sem hafa einhvern tölvugrunn, en það er þó ekki skilyrði. Þátttakendur geta jafnvel verið áhorfendur og þannig byrjað að kynnast þeim verkfærum sem í boði eru.

Efni námskeiðsins er í stöðugri þróun og má þess geta að kennslubókin sem fylgir því er prentuð sérstaklega fyrir hvert námskeið. Þannig er hægt að setja í hana vísanir í nýjustu strauma og stefnur í þessum efnum.

 

Námskeið fyrir ungmenni

FLÍ hefur nýverið hafið námskeiðahald fyrir ungmenni. 

  1. Námsskeið ( 3*4 tímar) fyrir lesblind ungmenni á aldrinum 9-12 ára /13-16 ára og foreldra þeirra þar sem farið yrði í einkenni lesblindu, styrkleikar lesblindra, leiðir til að byggja upp sjálfstraust, tækni og hugbúnað, námstækni sem nýtist lesblindum og hvernig geta foreldrar best hjálpað heima fyrir. 
  2. Snjalltækjanámskeið fyrir  fyrir ungmenni og foreldra (4 tímar). Þar er sérstaklega  farið í notkun á snjalltækjum sem og á hugbúnað sem nýst geta lesblindum ungmennum. Oft strandar notkun á þessum hjálpartækjum á því að lesblind ungmenni eru feimin við að nýta hjálpartækin og  foreldrar hafa ekki næga kunnáttu til að styðja og hvetja börnin til að nýta þessi tól. 

Aftur í nám hjá Mími-símenntun sem ætluð er fólki með lestrarörðugleika.

Áhuga vekur hversu oft nemendur úr Aftur í nám halda áfram í aðrar námsleiðir hjá Mími-símenntun.
Þannig fara margir í Grunnmenntaskólann eftir að hafa lokið námsleiðinni Aftur í nám. Aðsókn að
Grunnmenntaskólanum hefur verið mjög mikil.

Félag leslindra bendir á að hjá flestum ef ekki öllum endurmenntunnarsetrum er Aftur í nám sem hægt er að sækja í hvaða landsfjórðungi sem er, ef næg þátttaka fæst þegar námsskeiðin eru auglýst.

 
Fræðslumiðstöðvar   (endurmenntunnarsetur)

Nánari upplýsingar um námskeiðin má fá á skrifstofu félagsins eða í síma 534-5348